بەرپرسێکی بەڕێوبەرایەتییەکەی دواتری ئەمەریکا دەڵێت سەرۆکی هەڵبژێردراوی ئەمەریکا دانۆڵد ترامپ ڕۆژی دووشەممە یاداشتنامەیەک واژۆ دەکات کە ئامانج لێی ڕووبەڕووبوونەوەی هەڵاوسانە، ئەوەش دوای ئەوەی وەکو سەرۆک دەستبەکاردەبێت و داوای وەڵامی " سەرانسەری حکومەت " دەکات بۆ دابەزاندنی نرخەکان بۆ ئەمەریکاییەکان.
بەرپرسەکە هیچ وردەکارییەکی نەدا لەسەر ئەو کارانەی کە یاداشتنامەکە داوایان دەکات، بەڵام وتی " کاری یەکلاکەرەوە " دەبن. بەرپرسەکە وتیشی ڕاگەیاندنێکی دیکەی ترامپ سەبارەت بە وزەی نیشتیمانی بەرهەمهێنانی نەوت و گازی ئەمەریکایی زیاد دەکات و نرخەکانی سوتەمەنی و شتومەکەکانی دیکە کەم دەکاتەوە.
سەرچاوە/ ڕۆیتەرز